An eiser moderner Gesellschaft gëtt d’Aarbecht virun allem duerch eng wirtschaftlech Lëns gekuckt. Kapitalistesch Krittäre wéi Produktivitéit, Rentabilitéit a Konkurrenzfäegkeet dominéieren d’Debatten. De Wäert vun der Aarbecht op déi finanziell Leeschtung ze reduzéieren, ass awer ze enk geduecht. Nieft dem wirtschaftleche Wäert gëtt et nämlech och e gesellschaftlechen an en individuelle Wäert vun der Aarbecht, an et ass un der Zäit, dës dräi Dimensiounen erëm an en Equiliber ze bréngen.
