Forum

Katastrophal an deier Gestioun vun der CNA-Kris duerch de Kulturministère

De Centre national de l’audiovisuel (CNA) muss „moderniséiert“ ginn, sot d’Kulturministesch Sam Tanson an engem rezenten 100,7-Interview. Där Meenung waren och d’Mataarbechter vum CNA scho virun e puer Joer. Si haten esouguer 2016 en interne Seminär organiséiert, fir doriwwer ze diskutéieren. Blouss … dat huet den neien Direkter vum CNA, de Paul Lesch, null interesséiert, genau sou wéineg wéi alles, wat d’Organisatioun vum CNA betraff huet.