Famill Mond vs. Jeunesse (1961)
De Papp mat sengen 10 Bouwen: Réckbléck op een absolut aussergewéinlecht Fussballspill
Et war Enn März 1961, en Sonndegmëtteg, un deem eng komplett Mond-Familienekipp géint Jeunesse-Veteranen ugetratt ass. De Papp Emile a seng zéng Bouwen. E Réckbléck op een aussergewéinlecht Fußballspill, iwwert dat esouguer de „Paris Match“ bericht huet.
D’Famill Mond den 19. März 1961. Uewen: (v.l.) de François, Emile (Papp), Edmond, Camille, Robert, Lucien an den Nic Waldbillig (Initiateur vum Match). Ënnen: (v.l.) den Emile II dit Tit, Raymond, René, Félix a Paul. Foto: Editpress/Alain Rischard
„Wer hat den Mann im Mond gesehn“, huet 1961 dem Gus Backus säi Schlager geheescht, an enger Zéit, wou déi éischt Sputnike ronderëm d’Äerd gekreest sinn, „bip, bip“ gemaach hunn an den Dram vun der Mound-Eruewerung ëmmer méi no an de Beräich vun der Méiglechkeet virgeréckt ass. Dëst sollt awer eréischt den 21. Juli 1969 wouer ginn a Mënschen op der ganzer Welt faszinéieren.
