Kopf des Tages
Wann e Kolleeg stierft – De Serge Kennerknecht ass dout
De Serge Kennerknecht ass dout
Foto: Editpress/Isabella Finzi
Säit s de d’Pensioun viru knapps dräi Joer krus, hu mer eis net méi esou oft gesinn, Serge, an elo soen se mer, du wiers gestuerwen. Nach am Oktober hues de gehollef, mäin Abschid ze feieren, a waars gutt drop, waars wéi ëmmer. Mir sinn eis am Fong e ganzt Beruffsliewen ëmmer erëm begéint, mol hu mer a verschiddene Medie geschafft, meeschtens awer zesummen am Tageblatt, wou mer bis 2019 eng Rei Joeren zesummen d’Innenpolitik couvréiert hunn.