Film
Vu klenge Leit, grousse Gefiller an enger Stad, déi kee sech méi leeschte kann
En Dënschde war dee leschten Dréidag vun „Little Duke“, dem Andy Bausch sengem neie Film iwwert zwee gealtert Jugendfrënn, déi nach eemol géint d’Wandmille vum Kapitalismus kämpfe sollen. D’Tageblatt huet sech an der aler BNL – enger vun de Plazen, op deene gedréint gouf – mam Andy Bausch a mam Frank Feitler ënnerhalen.
De Luc Feit, de Marco Lorenzini an den André Jung am Little Duke Fotoen: Patricia Peribanez
De Little Duke ass eng Pafendaller Institutioun, eng Knäip wéi aus der Zäit gefall, wäit vun der Gentrifikatioun, déi och d’Lëtzebuerger Haaptstad lues awer sécher befall an déi bewierkt huet, dass d’Präisser duerch de Plaffong gaange sinn – esou, wéi dat och an anere Groussstied de Fall ass, déi dem klenge Lëtzebuerg oft just dann als Modell stinn, wann et gëllt, hier Schwächten ze kopéieren.
