Im Bildungsministerium habe man nun lange genug die Ausbildung zum Krankenpfleger analysiert. Man müsse endlich handeln, fordern die Schüler der BTS-Ausbildung für Krankenpfleger in einem offenen Brief an Bildungsminister Claude Meisch am Montag. Die aktuellen Zahlen würden zeigen, dass die Rechnung der Regierung seit Jahren nicht mehr aufgehe. Es müsse nun endlich ein echter Bachelor-Studiengang her.
Luxemburg sei das einzige Land, in dem es bisher keinen solchen Studiengang gebe, argumentieren die Schüler in ihrem Brief. Es müsse doch Beweis genug sein, dass es in allen anderen Ländern eine „Selbstverständlichkeit“ sei, eine Krankenpflegeausbildung auf Hochschulniveau anzubieten. Der BTS reiche einfach nicht aus.
Im bisherigen, „zusammengebastelten“ BTS-System fordere man von den Schülern, die sich teilweise mit 14 oder 15 Jahren für einen Beruf entscheiden sollen, sich gleichzeitig auf ihre schulischen Leistungen wie auch auf die praktische Ausbildung zu konzentrieren. Das, kombiniert mit dem jungen Alter vieler angehenden Krankenpfleger, würde mit sich bringen, dass man viel zu früh in Situationen gerate, in denen man mit „Leid und Tod“ konfrontiert sei. Dass man sich da „nicht auf französische Grammatik konzentrieren könne,“ solle man ihnen bitte verzeihen.
Zwar könne man nach zwei Jahren Ausbildung auf dem Niveau einer Sekundarschule und einer Hochschule – aber nicht auf einer solchen – ein fünftes Jahr an der Uni anhängen, um einen Bachelor-Abschluss zu erlangen. Aber das mache für kaum jemanden Sinn, wenn dieser den gleichen Wert eines dreijährigen Studiums im Ausland habe, kritisieren die angehenden Krankenpfleger in ihrem Schreiben.
Deswegen fordern die künftigen Krankenpfleger, dass ein eigener Bachelor-Studiengang eingeführt wird, der erst nach dem Abschlussexamen der Sekunderschule beginnt und den gleichen Wert wie andere international anerkannte Studiengänge habe. „Wann Dir also eppes un eiser Situatioun verbessere wëllt, da lauschtert och op déi Jonk an traut Iech, de BTS-Diplom ofzeschafen an eng innovativ an attraktiv Infirmièresformatioun op d’Been ze stellen“, schreiben die Schüler an Minister Meisch.
Der offene Brief in seiner gesamten Länge
Här Educatiouns- an Héichschoulminister,
Mir SchülerInnen an StudentInnen an der BTS-Infirmièresformatioun wëllen Iech eis Gedanken zu Ärer Stellungnam an der Chamber, den 7ten Juli matdeelen. Wärend enger Pandemie an gläichzäiteger Penurie vum Fleegepersonal fänkt Dir dës mat folgenden Wieder un: «Vläicht och nach e puer Wuert zu den Gesondheetsberuffer». Mir hätten et wäertgeschätzt, wann Dir eisem Beruff an dësen Zäiten méi Opmierksamkeet geschenkt hätt.
Zum Bachelor fir den Infirmier / d‘Infirmière sot Dir am Ufank vun Ärer Stellungnam « (…) ech denken, datt een dat sécherlech muss analyséieren. Mee ech bieden awer drëms, datt mir et gutt analyséieren an och wierklech ofweien an och kucken, ob dat déi Problemer (…) eleng géif léisen. ». Mir wëllen Iech gären eng Fro stellen: Wéi laang wëllt Dir den Formatiounsniveau vum Infirmier / der Infirmière analyséieren? Dir erklärt, den BTS-Diplom géing méi Jonker unzéien, en wier méi accessibel… Mee déi akuell Zuelen weisen, dass déi Rechnung säit Joren net opgeet!
Dir argumentéiert: «den BTS ass och en Héichschoulofschloss vun héijer Qualitéit, vläicht well en méi Leit zougänglech ass, well en manner akademesch ass wéi en Bachelor an dono en Master» an «D’Erfarung wéist allerdéngs, dass net Jiddereen deen den BTS och nach gutt packt an dann wëlles ass, nach en Bachelor drop ze maachen.». Vun wéi engen Erfarungen schwätzt Dir? D’Tatsach, dass Lëtzebuerg daat eenzegt Land ass, daat keng Infirmièresformatioun op Bachelorniveau ubiddt ass dach Beweis genuch, dass d’Erfarungen an all den aneren Länner aneschters ausgesinn. Wann am Ausland eng Infirmièresformatioun op Héichschoulniveau eng Selbstverständlechkeet ass, firwat sollen d’SchülerInnen aus Lëtzebuerg dëst net packen oder wéi Dir et ausdréckt, firwat soll dëst net genau sou den «Kinnekswee» fir d’InfirmièresstudentInnen zu Lëtzebuerg sinn? Als Educatiouns- an Héichschoulminister kennt Dir eis roueg méi zoutrauen!
Firwat fuerderen mir en grondstännegen Bachelorstudiengang fir d’Infirmièren an Infirmieren zu Lëtzebuerg an keen BTS? Mir machen grad den BTS an wellen Iech e puer vun eisen Erfarungen an d‘Problematik aus eiser Siicht beschreiwen: D’Decisioun fir den Beruff vun der Infirmière solle mir an der Reegel am Alter vun 14 Joer treffen, d.h. wann mir eis no der 5ième fir d’Sektioun «Professions de santé et professions sociales» entscheeden kennen. An deem Alter kënne mir eis näischt ënnert dem Beruff virstellen. Nierwt dem jonken Alter deen den BTS-Niveau mat sech brengt, mache mir an dem iwert Joeren zesummegebastelte BTS-System eis Beruffsausbildung an déi schoulesch Ausbildung gläichzäiteg. Den onnéidegen zousätzlechen Stress deen domadder verbonnen ass gëtt Iech vläicht bewosst, wann Dir Iech virstellt, dass mir am Alter vun 16, 17 Joer wärend eise Stagen mat Situatiounen konfrontéiert ginn, déi mir selwer nach net erliewt hunn: Leed an den Doud! Als ugoend Infirmièren an Infirmieren léiere mir déi Betraffen an hier Famill mat Matgefill duerch dës Schicksalsschléih ze begleeden, ze ennerstetzen . Dir kennt vläicht novollzéihen, dass mir dann eis ganz Opmierksamkeet op den Ëmgang mat esou erausfuerderenden Situatiounen wëllen leeën. Wéieng Platz soll do déi franséisch Grammaire anhuelen, déi eis niewebäi nach Examen schreiwen léist? Mir wonneren eis dowéint net, dass et schwéier ass am Moment Leit fir d‘Formatioun vun der Infirmière / dem Infirmier ze begeeschteren.
Et geet eis net drëms déi Franséisch Sprooch ze ëmgoen! Sproochen sinn wichteg fir den Beruff vun der Infirmière / dem Infirmier bei dem sech villes em d’Kommunikatioun dréint, besonnech an enger sou diverser Populatioun! Eng däitschsproocheg Sektioun, wéi Dir se op Grond vun den ze déiwen Ausbildungszuelen proposéiert, léist eisen Haaptproblem net! Am Géigendeel, mir denken, dass d’Entscheedung, d’Coursen op Däitsch unzebidden, souguer kontraproduktiv ass. Dëst well mir herno um Terrain op Franséisch schaffen sollen.
Beim BTS-Bachelor, deen am Regierungsrot ugeschwat gouf, bestinn déi beschriwen Problemer (jonken Alter, Doppelbelaaschtung) weider: No zwee Joer Formatioun um Niveau secondaire an zwee Joer um Niveau vun enger Héichschoul (me net op enger Héichschoul) solle mir nach en fënneft Joer op der Uni Letzebuerg maachen fir en Bachelordiplom ze kréien fir deen een am Ausland an der Regel nemmen dräi Joer op eng Uni geet? Wann sech wéineg Jonker fir dëse Wee entscheeden, dann läit et net un fehlenden Ambitiounen oder Intellekt!
Mir fuerderen dowéint en grondstännegen Bachelor fir d’Infirmièren /Infirmieren: Wann d’infirmièresformatioun eréischt ab engem Bac géing ufänken, kéinten mir eis véier Joer méi spéit fir oder géint den Beruff vun der Infirmière / dem Infirmier entscheeden an géingen net esou fréi mat belaaschtenden Situatiounen konfrontéiert ginn. Mir hätten déi ganz Sproochenexamen ofgeschloss an kéinten eis voll op d‘Konscht an d’Wëssenschaft vun der Fleeg konzentréieren. Well den Bachelordiplom am Géigesaatz vum BTS international unerkannt ass, géingen eis gläichzäiteg, an dat ass eis Jonken besonnesch wichteg, all d’Dieren opstoen fir eis weider ze entwéckelen – Wéini mir wëllen, an wéinegem Beräich mir wëllen a wou mir wëllen fir als Infirmière an Infirmier ze wuessen, wéi Dir et beschreiwt!
Kuerz gesot: Mat dem aktuellen iwer Joeren zesummegebastelten BTS-Niveau ass et onméiglech méi jonk Leit an den Infirmiersberuff ze zéien an d’Penurie an den Grëff ze kréien!
Wann Dir also eppes un eiser Situatioun verbesseren wëllt, dann lauschtert och op déi Jonk an traut Iech den BTS-Diplom ofzeschaffen an eng innovativ an attracktiv Infirmièresformatioun op d’Been ze stellen. Domadden géingt Dir den Infirmièren / Infirmieren den intellektuellen Niveau zougestoen, deen eise Beruf verdéngt huet an Letzebuerg op den nämlechten Niveau wéi d‘Ausland unhiewen. Dir schwätzt am Ufank vun der Aarbecht mam Mënsch, déi am Virdergrond steet. Mir ginn Iech Recht, an der Fleeg dréint sech alles em den Betraffenen, em seng Problemer déi duerch d’Krankheet entstinn an wéi een him nees hëllefen kann beschtméiglechst domadder ze liewen oder nees gesond ze ginn! Mee Dir dierft net vergiessen, nieft den Hänn an dem Häerz schaffen mir och mam Kapp. An deen dierf op kee Fall ze kuerz kommen fir esou eng komplex Situatioun, wéi d’Liewen mat enger Krankheet déi een sech net erbäigewënscht huet zesummen mam Betraffenen, senger Famill an all den aneren Gesondheetsberuffer ze meeschteren! Gären proposéieren mir Iech dës an weider Ideeën an enger gemeinsamer Entrevue ze beschwätzen!
Am Numm vun der Commission des (élèves et des) étudiants en soins infirmiers
vun der ANIL
Cathy Malget
Cynthia Da Silva Rodrigues
Cynthia Syoen (cynthias@hotmail.de)
David Baustert (david.baustert@hotmail.de)
Lara Teixeira Pereira
Lilly Laures
Sheila De Sousa Ferreira
Mat Ënnersetzung vun der Presidentin vun der ANIL, am Numm vum Comité
Anne-Marie Hanff
Respekt un d Schüler ; ech sin Infirmière an hun nach eng spezializatioun gemeet; sin durno nach weider gangen fir een certificat am management ze maachen. Wann ech elo kucken no esou villen Joeren an ët freet een wat een fir een diplom huet? een Bac ass d Aentwert. Majo ech sin och Mamm an kann am moment mengen kanner nëmmen ofroden deen selweschten beruf ze maachen.