Theater
„D’Clochedorisatioun vum Süden“: „Esch ass dout“ vum Kollektiv Richtung22
Mat der Hëllef vum rhetoresch talentéierten Dan Kaemmpfer wëll den Agora grouss urbanistesch Projeten op Belval ëmsetzen: Dat neit Theaterstéck vu Richtung22 peekt Kapitalismuskritik an d’Form vun der griichescher Tragedie, bleift awer oft ze didaktesch, ze plakativ an am Endeffekt ze onbehollef, fir der Dominatioun vum Goss eng iwwerzeegend Kritik entgéintzesetzen.
Den Agora (Luc Lamesch) an de bloe Kulturhirsch Foto: Marie Mathieu
Fir hiren Esch2022-Projet huet de Kënschtlerkollektiv Richtung22 sech virgeholl, „d’Geschicht vum Kampf ronderëm dat alt an dat neit Esch“ ze erzielen – an dat mat Hëllef vun enger ganzer Rei vu Konschtformen. No engem Clip an engem Happening a virun dem Kuerzfilm „GossTown“ am Mee gëtt den Ablack de Socle C mam Theaterstéck „Esch ass dout!“ bespillt.
