LeserforumSinn eis Deputéiert esou schlecht oder sou gutt bezuelt?

Am Gesetz électoral vum 18. Februar 2003, telle que modifiée steet am Artikel 126  (fréieren Artikel 97 vum Gesetz vum 31. Juli 1924):

„1. Durant son mandat, le parlementaire jouit d’une indemnité annuelle correspondant à 375 points indiciaires, dont la moitié, constituant des frais de représentation, est exempte d’impôts. Cette moitié est également exempte de retenue pour pension … L’indemnité est payable mensuellement; à raison d’un douzième par mois de l’indemnité annuelle …“

Lo liesen ech an der Press, héieren um Radio a gesinn op der Tëlee, an een Deputéiert huet mer dat confirméiert, datt d’Indemnitéit vun 375 Punkten all Mount ausbezuelt gëtt. Lo sinn ech ganz duercherneen … Ass et elo annuelle oder mensuelle? Wann et corrigéiert misst ginn, kënnt ee jo gläich och d’Steierfräiheet vun der Hallschent ofschafen.