De Maart
Gerson Rodrigues, de Lëtzebuerger Fussballspiller, gouf vun der Justiz verurteelt fir Gewalt an huet seng Strof ugeholl. Haut ginn et vill Politiker an och vill Leit, déi behaapten, hie misst vum Terrain verbannt ginn, well seng Präsenz net zu engem gudde Bild vum Sport géif passen. Awer ech perséinlech kann dat net esou gesinn, well ech mengen, jidderee verdéngt eng zweet Chance.
E puer Leit soen, seng Präsenz um Terrain géif dem Bild vum Sport schueden. Mee d’Bild vum Sport ass net d’Bild vun enger perfeker Onfeelbarkeet. Et ass d’Bild vum Mënsch. An de Mënsch, vu senger Natur aus, mécht Feeler. De Sport, a senger Schéinheet, besteet net nëmmen aus technesche Gesten oder Victoiren, mee och aus Léieren an der Kraaft, erëm opzestoen.
Wie si mir, fir iwwert deen ze riichten, dee scho verurteelt gouf? Wie si mir, fir engem Mënsch d’Recht ze huelen, sech erëm opzebauen, ze weisen, duerch säin Engagement a säi Verhalen, datt hien eppes aneschters ka si wéi déi Feeler, déi hie gemaach huet? Mir schwätze vu Gläichheet, Gerechtegkeet a Respekt, a gläichzäiteg zweifele mir un dëse Wäerter, wann et eis net bequem ass. Natierlech geet et net drëms, d’Schwéier vum Verbriechen, fir dat hie verurteelt gouf, kleng ze maachen. Gewalt ass inakzeptabel a muss bestrooft ginn. Mee hien huet seng Strof ofgesat. Hie vu sengem Beruff ofzehalen, nodeems hie seng Schold ofgedroen huet, wier wéi eng duebel Strof. Et géif bedeiten, jidderengem, deen eemol gescheitert ass, ze soen, datt hien ni méi opstoen däerf.
Dem Gerson Rodrigues d’Recht ze huelen, weiderzespillen, wier d’Wiesentlechkeet vum Sport ze vergiessen: d’Fäegkeet, erëm opzestoen, ze léieren, sech ze verbesseren. Ech géif mir wënschen, datt mir eng Gesellschaft sinn, déi un de Mënsch gleeft, déi jidderengem d’Méiglechkeet gëtt, erëm opzestoen. Ech géif mir wënschen, datt mir d’Supporter vum Courage, vum Wëllen zur Verännerung sinn. Gerson Rodrigues
verdéngt eng zweet Chance. Net well hien e Fussballspiller ass, mee well hien e Mënsch ass.
Also, éischter wéi hien nach eng Kéier ze verurteelen, reeche mir him d’Hand. Gitt him d’Chance, ze weisen, datt hien et besser ka maachen. A loosst eis eis drun erënneren, datt hannert dem Spiller e Mënsch steet. E Mënsch, deen e Feeler gemaach huet, mee deen, wéi all Mënsch, d’Chance huet, besser ze ginn. D’Justiz huet decidéiert. Elo ass et Zäit, d’Säit ëmzebliederen. An virun allem: Loosst hie liewen.
@Jeff: Komplett averstanen.
D’Urteel confirméiert, dass den Ugekloten sech als frechen a brutale Matmënsch behol huet.
Urteel a Strof sollt een awer net verwiësselen. De Richter huet (sëcher mat Recht) decidéiert, den Här Rodrigues net ( direkt) ze bestrofen. Wat soll dann elo hei di Argumentatiou‘n mat duebeler Strof an ofgesiëssener Strof beweisen?
Ech sin och der Meenung, dass een sech net soll op den Här Rodrigues aschéissen, an daat machen och di wéinegst. Fragwürdeg ass alleng di Decisiou’n vum FLF , hiën direkt erem als Visitekaart vum Land an der Nationalmannschaft anzesetzen. ( Säi Brou‘t verdingt e jo sou‘wiesou‘ weider am Au‘sland…)
Et wiër him besser gedingt gewiëcht, wann een en eng Zäit aus der Schosslinn geholl hätt.
@John G - Sursis kritt een net einfach esou - do huet de Riichter sech jo eppes dobäi geduecht. An de Parquet war och domat Averstanen , soss wier en an de Appell gaangen.
„Mee hien huet seng Strof ofgesat.“
Sorry, mee hei muss Iech widerspriëchen: den Här Gerson krut Sursis probatoire, also hou‘t hië seng Strof net ofgesiëss, mee seng Strof gou’f ausgesaat.
An anstatt sech ze schummen, a kleng ze halen, därf hiën viru machen ewéi virdrun, ewéi wann näischt geschitt wir.
A stellt sech an de Medien als Opfer duer.
Hei ass de Résumé vum Uerteel:
„Il avait été reconnu coupable de coups et blessures volontaires contre sa petite amie de l’époque ainsi que contre deux individus croisés en boîtes-de-nuit, et d’injures à l’encontre de policiers.“
Ma jo dann, weider esou‘ Herr Gerson! Dir hud e Stadion vu Fussballhelden hannert iech….