Di., 25. Februar 2020

Premium /  


  1. Johnny /

    Méi Flexibilitéit. Selwer wiele kënne wéi vill ee kotiséiert, an engem gewëssenen Ëmfang, och bei de Jore wou ee wëllt schaffen, oder beim Congé wou e wëllt. A bei de Stonne pro Woch, wa méiglech. Ech stelle mer dat e bëssen als individuelle “Baukaste-System” vir. All Mënsch ass anescht, ënner gesondheetlechen Aspekter betruecht, an huet och aner Interessen a Liewensëmstänn. Och selwer sech nach verséchere, mä déi Zousaz-Rent misst een dann och fréizäiteg verrechent an ausbezuelt kréie, net eréischt mat 60 oder 65. Herno gëtt dann d’ Pensioun eben ausgerechent, zimlech individuell. Wie mat 52 Joer oder 54 Joer wëll ophale mat schaffe, kee Problem, wie wëll bis 75 Joer schaffe goen, och kee Problem, dee soll dat roueg maache kënnen, wann hien dat esou wëll a genuch huet fir ze liewen oder ebe méi wëll an am Alter nach schaffe wëll. Et gi jo och nach aner Akommes, vläicht aus Loyer, also firwat un esou steiwe Strukture festhale vu 40 Joer a 40 h pro Woch mat nach ëmmer m.M. no vill ze wéineg Deeg Congé? Vläicht och e bedéngungslost Grondakommes iwwerdenken?

    D’ Psychiater hunn ëmmer méi Client en, äh, Patienten, awer soss geet et eis all gutt…

    A mir mussen ewech vun ëmmer méi Wirtschaftswuesstem; deen ëmmer duergestallt gëtt als Rettung vum System, a Wierklechkeet awer d’Ursaach vum Problem zum groussen Deel selwer ass, deen alles futti mécht. Ass jo paradox, awer esou funktionéiert de System leider, e wiisst sech futti, mécht och de Mënsch an d’ Natur futti. A firwat? Fir dat gréisste Konscht-Konstrukt a säi perfide System um Liewen ze halen: Geld a Finanzpolitik.

    Eng Spiral ouni Enn? Nee, se huet en Enn, leider wëllen a kënnen ons Politiker dat awer net kapéieren. Dofir geet et riicht weider, fatalistesch an ouni Récksiicht mat Vollgas géint d’Mauer.

    De Mënsch, seng Famill a seng Gesondheet, perséinlech Zefriddenheet, Entwécklung vu perséinlechen Interessen (amplaz Frust-Kaf vu Blödsinn als Ersatz fir dat alles wat ee verpasst) musse nees am Mëttelpunkt stoe kommen. Et ka net éiweg esou weidergoen an et kann och net sinn, dass ëmmer méi Leit musse schaffe fir deenen aneren hier Rent ze bezuelen.

    Et muss ee kee grousse Mathematiker si fir erauszefannen, dass bei ville Saache gewalteg eng schif leeft an aner Weeër mussen ageschloe ginn, well et einfach gläich net méi anescht geet!

Kommentieren Sie den Artikel

Meistgelesen