LeserforumÄntwert op dem Serge Tonnar säi Lieserbréif

Äntwert op dem Serge Tonnar säi Lieserbréif „Konschtfeindlechkeet um ëffentlech-rechtleche Radio“ vum 5. November 2022: De Kandidat Serge Tonnar geheit eis mat Steiergelder finanzéiert Inkompetenz, Konscht- a Fraefeindlechkeet vir. Also, datt mer et gewot hunn, senger Kolleegin Fabienne Hollwege hiert „interdisziplinäert“ Wierk „To Live heisst leben und Liebe heisst love“, un deem hie selwer matgewierkt huet, net gutt ze fannen. Fir eisem Nationaltroubadour hannert d’Oueren, dëst Zitat aus dem Beaumarchais sengem Mariage de Figaro: „Sans la liberté de blâmer, il n’est point d’éloge flatteur.“ D’Equipe vun der Radio 100,7-Emissioun „Déi Wonnerbar VaLibrairie“ mam Valerija Berdi, Kerstin Thalau a Michel Delage